ليه مهم يكون عندك مجموعة كتاب المُتَيَّم؟ (متتكسفش تسأل).

-لأنه مكتوب بشكل روائي، فيه شخصية "المُتيَّم" و ده شخص كان عنده أسئلة كتيرة عن السيرة النبوية و مش قادر يستوعب حاجات كبيرة وبيسمع شبهات المستشرقين.

-كل حد فينا لما بيقرأ عن حاجة معينة مش فاهمها في السيرة النبوية بيجد صعوبة في الرد أو بيتقال له بتسأل ليه أصلا رغم إنه حقه يسأل و إن الإجابات موجودة مفيش حاجة غلط عشان تتدارى وعشان كده عملنا الموسوعة دي و حطينا فيها إجابات لأسئلة كتيرة منها مثلا:
هو ليه تعدد الزوجات؟
هو صحيح النبي تزوج أكتر من مرة لأغراض دنيوية؟
هو ايه قصة شرب بول الإبل؟
ايه موضوع بئر بضاعة؟
هو الوحي ده حقيقي؟
هو النبي اتعرض للسحـ ـر والنسيان والأذ.ى إزاي وهو معصوم؟
هو النبي ممكن ميكونش شخصية حقيقية؟ مجرد مصلح اجتماعي!
هو الوحي ده ممكن يبقى من الشيـ ـطان؟ 
ممكن يبقى من صناعة السيدة خديجة وعمها ورقة بن نوفل؟
هو النبي قتـ ـل حد قبل كده؟
هو ايه قصة السبي والتسري بالنساء؟
هو ايه حرو.ب الردة؟
هو احنا حاربنا ليه وهل الإسلام دين دمـ ـوي دين حر.ب!
ياترى الإسلام دين ح..رب ولا سلام؟
وناقشنا معجزات النبي و إثباتها وأسئلة تانية كتيرة جدا في موضوعات كتيرة.

-بالإضافة إلى سرد منطقي لأحداث السيرة النبوية "بداية من قضية الخلق إلى انتقال سيد الخلق إلى الرفيق الأعلى".
وأسئلة كتيرة جدا كانت بتيجي على خاطر "المُتيَّم" وكانت مخوفاه من القرب من ربنا، فلما ربنا فتح عليه وعلمه وكشف له الحقيقة اتحول من "باحث معمي عن الحقيقة" إلى "المُتيَّم" في سيدنا النبي.

-الكتاب ده خلاصة مئات المصادر والمراجع من كتب عربية وكتب المستشرقين وفيه ردود منطقية بتحتكم للعقل .
وقدّم له فضيلة الأستاذ الدكتور أحمد عمر هاشم.
و هو حوار بين باحث عن الحقيقة و المُتيّم .. 
مش مجرد كتاب .. هو معايشة وحياة
مجموعة كتب صغيرة تتراوح من ٩٠ صفحة إلى ١٨٠، ينفع تاخده صديق لك وتخلصه في أسبوع وتحكيه للناس وتعيش بيه لأنه مليان قصص عن النبي مرتبطة بواقعنا المعاصر وفيها لطائف ورقائق ترقق القلب، كل كتاب أشبه بمرحلة كل ما تعديها تترقى في طريق معرفة سيدنا رسول الله لحد ما توصل للجزء ١٥ وتقرأ سطر الوداع " لعلي لا ألقاكم بعد عامي هذا" 
الإنسان مهما بلغ من العلم "أُمّي" لحد ما يتعلم عن سيدنا النبي، بكده هتبدأ تمشي في الطريق وهيكون دليلك فيه حضرة النبي.
مهم جدا أثناء القراءة تكون مثبت وِرد للصلاة على النبي، عشان تقرب منه بأكبر شكل ممكن.

#نورالهدى_الجمّال
#كتاب_المُتيَّم
#موسوعةالمُتيَّم