لازم كل إنسان يكون عنده الكتب دي في مكتبته، عشان يفهم شخصية سيدنا محمد ﷺ بشكل أعمق، ويزيل الشكوك اللي ممكن تكون في قلبه، ويقدر كمان يساعد غيره في تصحيح مفاهيمه.

دي مجموعة ردّ الشبهات من موسوعة المُتيم:

جزء (لماذا؟)
بيرد على تساؤلات كتير بنفكر فيها كلنا ومش بنلاقي لها إجابة، زي: ليه ربنا خلقنا؟ وإيه سبب وجود الشر والظلم والابتلاءات في الدنيا؟ ومين هو عدونا الحقيقي؟ وليه ربنا خلق حاجات وحرّمها علينا؟ وهل ربنا دايمًا بيحذرنا ويهددنا في القرآن؟ وهل العلم ممكن يخلق إنسان؟

جزء (نجم أحمد)
بياخدنا في رحلة مع طفولة النبي ﷺ، وبيحكي عن حادثة شقّ الصدر، وبيؤكدها ويرد على اللي بينكروها. وبنمشي مع النبي ﷺ من طفولته لحد نزول الوحي، ونتعرف على طبيعة الوحي وليه انقطع فترة عن النبي ﷺ.

جزء (قضايا حول الوحي)
بيرد على الشبهات المتعلقة بالوحي، وبيوضح مصدره، وحال النبي ﷺ وقت نزوله عليه، وبيجاوب على أسئلة مهمة زي: هل الوحي من الشيطان؟ هل هو سحر؟ هل هو رؤيا منامية؟ هل هو صرع؟ وهل النبي ﷺ ادّعى إنه بيتلقى الوحي؟

جزء (ليتهم عرفوا أن!)
بيرد على شبهة تعدد زوجات النبي ﷺ، وبيشرح أسباب زواجه من كل زوجة بالتفصيل. كمان بيناقش قضايا تخص المرأة، زي: ضرب المرأة، وقضية الحجاب، واسترقاق النساء في الحروب، وبيفند الشبهات حول موضوع بول الإبل.

جزء (آيات القدير)
هنتعرف فيه على معجزات النبي ﷺ زي انشقاق القمر والإسراء والمعراج، وكمان الأدلة على حدوثها. وهنفهم إزاي فُرضت الصلاة، والنبي ﷺ اتعلمها منين، ومين أول من تعلمها بعده.

جزء (لأنه النموذج)
بيناقش أسئلة زي: هل النبي ﷺ كان معصومًا؟ وهل وُصف بالضلال؟ وهل وقع في فتنة أو أخطأ؟ وما هي شهادة الذر؟ وهل كان ينسى أو ينام عن الصلاة؟ وبيوضح إزاي النبي ﷺ هو النموذج الكامل، والحكمة من سحره، وحقيقة وفاته ﷺ بسبب الشاة المسمومة.

جزء (الجهاد في قفص الاتهام)
بيرد على شبهات الجهاد، وبيوضح إن النبي ﷺ لم يكن يعتدي على غير المسلمين، وإن الإسلام لم ينتشر بالسيف. وبيشرح ليه الإسلام لم يحرّم الحروب، وبيتناول قضايا زي الأسر ومعاملة الأسرى، والحكمة من إباحة الغنائم، والفرق بين الأمة والحرة، وقضية الرق وكيف تعامل الإسلام معها، وكمان فلسفة الجهاد وردّ الأموال المسلوبة.

وأسئلة تانية كتير جدا في كل جزء.

الأسئلة دي ممكن تكون مدخل للشك عند ناس كتير، لكن “المُتيم” شرحها بالتفصيل، وبسّط كل فكرة، وصحّح أي لبس فيها